kognatuak eta erlazionatutako leku izenak

Existen outros dous Vilacide no concello de Xermade (parroquias de Cabreiros e de Candamil, Lu). Tamén hai cognado do mesmo composto en territorio castelán: véxase Villacid de Campos.

O seu segundo elemento aparece tamén en 

• Abucide (Toques, Co), composto co andalusí abú (árabe clásico abū) 'pai' .
• Casdecide (Nogueira de Ramuín, Ou) e Cardecide (Cuntis, Po)  'casa de Cide'.
• Mencide (Palas de Rei, Lu) composto con Mendo < xermánico Menendus).

Pola contra, aínda que Doncide (Pol, Lu), parece un composto con DOMINUS, MoralejoLaso_1977_TopGalLeonesa apunta a posibilidade de que proceda do xenitivo do nome latino Dulcidius. A documentación medieval parece confirmalo, pois aparece como Doçide a.1494 CDCatMondoñedo.

Ademais, outros topónimos rematados en -cide son probablemente fitotopónimos, con relaxación da vogal final:

• Lamacide (Abadín, Lu) é probablemente unha variante de Lamacida, e esta de Lamaceda, un derivado de lama.
• Salcide (Salvaterra de Miño, Po) é variante de Salceda (< SALICETA)
• Barracide (Foz, Lu), podería ser variante de Barracido, abundancial dunha variante con r múltiple do fitónimo baraza (Navaza_Fitotop)
• Teicide (Paradela), podería ser variante de Toucide 'touceda', colectivo de touza, topónimo que hoxe non se recolle no NG pero que está testemuñado na Idade Media: Fernando de Touçide, procurador do cabido de Mondoñedo 1470 CDCatMondoñedo .

Como elemento único, en Portugal hai Cide (Braga, Guarda).

En canto a Ceide (Carballo, Co e Lugo, Lu) e Ceides (Carballedo, Lu), foi relacionado etimoloxicamente con Cide, pero parece máis probable que proceda do nome persoal Zayd ‘incremento, aumento'.