Esti subproyeutu ocúpase de la toponimia d’Asturies, Lleón, Zamora y Salamanca. Una bona parte d’esti territoriu pertenez al dominu llingüísticu asturiano-lleonés. Les llingües implicaes son l’asturianu y el castellán. Fíxose una escoyeta pa la primer fase d’un total de 240 topónimos del conxuntu del territoriu atendiendo a la densidá toponímica, al volume y tradición d’estudios toponímicos y a la mayor representatividá del dominiu que supón el casu d’Asturies pola so situación no que cinca a la vitalidá, tresmisión y sofitu alministrativu de la llingua asturiana. Na selección fecha procuróse una representación de los tipos estremaos de topónimos según la división tradicional de nomes de llugar de base antroponímica y nomes de llugar de base léxica (con posible motivación hidronímica, oronímica, fitonímica, etc.).