El Toponomasticon Hispaniae tien como oxetivu l'estudiu y divulgación d'un corpus escoyíu de nomes de llugar de tol territoriu español y portugués y, al mesmu tiempu, l'afitamientu de bases metodolóxiques firmes pal estudiu de la toponimia. Ta formáu por seis subproyeutos coordinaos, arraigonaos en diferentes universidaes españoles, que reúne más de 60 integrantes. De caún de los nomes de llugar realizaráse una ficha toponímica, con información xeográfica, etnográfica, histórica, cartográfica y llingüística; esta última incluyirá la etimoloxía, forma fónica, motivación, clasificación semántica, cognaos, xentilicios y seudoxentilicios. A partir de les fiches de cada topónimu diseñaráse una ficha panhispánica na que se condensará la evolución de cada étimu colos resultaos nos estremaos territorios. En dambes fiches ufriránse enllaces hipertestuales que posibilitarán busques en múltiples direiciones.
